Posted by: basem | 10/09/2010

عن الاختفاء القسري لعمرو صلاح وأحمد عيد في العيد

لأن الموضوع معقد حابب أوضح اللي حصل، عمرو صلاح الباحث بمركز القاهرة لدراسات حقوق الإنسان اتخطف من قدام بيته في القاهرة الساعة 4 فجر الخميس بواسطة 4 أفراد لابسين مدني، الخبر اتنشر وبدأ التعامل معاه الجمعة الصبح أول يوم العيد، الجمعة بالليل الساعة 6:30 تم اطلاق عمرو صلاح وكلم أهله وبدأ في التحرك على بيته في اسكندرية بس موبايله مش معاه فمحدش قدر يكلمه لحد دلوقتي (10:30م) وبنعرف الأخبار عن طريق أهله، لكنه بخير.

بعد إطلاق عمرو صلاح بنص ساعة (7 مساءا) أحمد عيد عضو حزب الجبهة الديمقراطية وصديق عمرو وشريكه في كثير من الأنشطة من أجل الديمقراطية اتخطف بنفس الطريقة من قرب بيته، الخبر مؤكد لأنه كان على التليفون مع أحد الأصدقاء وقاله ان في اتنين بيجروا وراه. إلى الآن مفيش أخبار عن أحمد عيد ولسه مكلمناش عمرو صلاح نفهم اللي حصل معاه.

بالنسبة لوليد شوقي فهو ناشط من المنصورة كان بيوزع بيان التغيير في صلاة العيد واتقبض عليه واتحول النيابة والنيابة اديته إخلاء سبيل وراح ع القسم لإنهاء الاجراءات ومتوقع خروجه خلال وقت قليل ولسه مفيش تأكيد.

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

التصنيفات

%d مدونون معجبون بهذه: