Posted by: basem | 09/06/2011

رباعيات الثورة المضادة

من المعتاد في التراث العربي أن يقوم أحدهم بنظم قواعد شئ ما سواءا في النحو أو الصرف أو الفقه أو غيره في صورة شعر بسيط للغاية يسهل على الدارس الاحتفاظ به، فلما تعقد أمر الثورة على فهمي واختلط الحابل بالنابل فصرت لا أعرف هل انتصرنا أم هزمنا، وضلت كل التحليلات وعلى رأسها تحليلاتي الشخصية، قررت أن أكتب الثورة شعرا عسى أن ينفع الشعر:

رباعيات الثورة المضادة

المجلس العسكري والحزب وفلوله

واهل الكنب ع الكنب لما يغنوله

ومكتب الإرشاد وإخوانه وحبايبه

ولابسي الجلباب ومحددين طوله

—————

ضابط بوليس قاتل ف وزارته حنوله

وبلطجية سوابق آمنين بيدعوله

وحكومة جابها الميدان مش راضية بحلوله

وكلام كتير يتقال ولا شفنا مفعوله

—————-

وأحزاب كتير جدا الثورة جايباهم

وأحزاب كتير جدا الثورة فايتاهم

وخمسميت ائتلاف فاكرينا وياهم

وملهمي الجماهير ف التوك شو محلاهم

———–

ومدونين مغرورين والعظمة وخداهم

وتويترجية مفيش ولا حاجة عجباهم

وعيال على الفيس بوك فاكرينها بتاعتهم

ومحبطين زيي فاكرينها ناقصاهم

———–

ووسائل الإعلام كدابة ومصرة

وصحافة رغم اللي كان رافضة تكون حرة

ونخبة شاخت وباخت متبتة في الكادر

ونخبة داخت عشان تظهر ولو مرة

————–

ومحاكمات عسكري سارحة ولا الفرة

وممالك البترول والضغط من بره

ورغم كل اللي فات من عك متركز

ربك هيعدلها وهتكمل الثورة

———-

عجبي 🙂

Advertisements

Responses

  1. رائع ياباسم, حلوة جدا

    • إزيك يا عبد الرحمن – انت لسه عايش – شكرا يا باشا

  2. الأستاذ الفاضل /باسم فتحى

    تحية طيبة
    أقوم بإجراء دراسة عن المدونين فى مصر فى إطار رسالتى للماجستير ،وأتشرف بإضافة مدونتكم فى عينة المدونات الخاصة بى ، وأرجو من سيادتكم تزويدى بعنوان البريد الالكترونى للإجابة عن استمارة الاستقصاء ، وسيكون لكم جزيل الشكر على تعاونكم واهتمامكم ، وأتشرف بالرد على أى استفسار بخصوص طلبى .

    مع شكرى للاهتمام والتعاون مرة أخرى
    bloggingsurvey@yahoo.com
    مها بهنسى المعيدة بكلية الإعلام-جامعة القاهرة

    • الأستاذة مها

      قمت بإرسال بريد الكتروني على عنوانك المذكور

      تحياتي،
      باسم فتحي

  3. جميلة جدا ياباسم انت موهب

    • تسلم يا باشا


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

التصنيفات

%d مدونون معجبون بهذه: